Ráðstefnan Gæðavísir 2012 var haldin fimmtudaginn 3. maí sl. og tókst prýðilega. Um þrjátíu manns úr ýmsum áttum sóttu ráðstefnuna en allir áttu það sameiginlegt að hafa mikinn áhuga á að auka gæði og öryggi í heilbrigðisþjónustu. 

 Í sumar mun Raförninn, í samvinnu við nokkra af stærstu viðskiptavinum sínum og nema í heilbrigðisverkfræði, setja af stað þróunarverkefni í myndgreiningu. Verkefnið snýst um að endurnýta þá þekkingu sem til er í RIS kerfum með því að búa til ákvarðanastuðningskerfi. 

 Á undanförnum árum hefur Raförninn staðið fyrir þrem ráðstefnum um gæði og öryggi í heilbrigðisþjónustu, undir merkjum veflægu aðferða- og gæðahandbókarinnar Gæðavísis. Á ráðstefnurnar er boðið stjórnendum myndgreiningardeilda og öðrum sem hafa yfirumsjón með gæðaeftirliti, ásamt fólki úr ýmsum áttum sem tengist gæðamálum.